Млади за Скопје #7 - Концерт на Морфеј

Млади за Скопје #7.
Концертна промоција на материјалот што ќе се најде на првиот албум на МОРФЕЈ!
 
- Morfej
Морфеј е дуо што го сочинуваат Небојша Тодоровски (гитара и вокали) и Дарио Циевски (тапани). Бендот е формиран во август 2016 год и свири алтернативен експериментал рок со примеси на ноис и пост-панк. Небојша е познат по своите поранешни бендови Sound Polution со кој има издадено еден албум и Хипнополис , исто така со еден албум. Главна инспирација му се Thurston Moore, Lee Ranaldo и Nels Cline. По 16 години активно свирење по разни бендови и проекти, решава да создаде нов бенд во кој ќе го преточи досегашното искуство. Дарио Циевски е тапанар кој активно свири 6 години. Досега има свирено со разни локални бендови. Главна инспирација му се Benny Greb, Dave Weckl, Gavin Harrison, Mark Guiliana, Kaspar Rast и други. 
Текстовите на Морфеј се полни со револт и ја прокламираат индивуалноста. Музиката е исполнета со напнати ритмови и гитари, но има и моменти на меланхолија проследени со ноис.
 

флаер


 

13.мај.2017 / 20:00
Карти во претпродажба: 100 ден.
Карти на ден на концертот: 150 ден.

Што е Млади за Скопје?
Серијал на концерти на кои целото внимание е насочено кон еден бенд. Концертите претставуваат супер место за да се видат многу млади, нови бендови, да се чуе што имаат тие да пренесат и да се доживее форма на уметност која потекнува од самите гаражи. Млади за Скопје служи за дружење на истомисленици, луѓе што ја сакаат музиката, уметноста и одењето на концерти. Давање до знаење дека постојат многу квалитетни бендови што за жал само малкумина чуле за нив. Место каде што после напорен ден, недела, месец можеш да одлепиш и да си ги наполниш батериите. Разменување
искуства и креирање на појака домашна авторска сцена.

Ranti | 27.04.2017 | twitter