Двата македонски портали за култура,culture.in.mk и plagij.at, со поддршка од Про Хелвеција, го создадоа фестивалот ONLINE/OFFLINE кој месецов ќе го доживее своето прво издание. Фестивалот, како што кажува и името, има online и offline компонента. Offline компонентата се состои од низа настани на 22 и 23 јануари, додека online компонентата ќе биде активна и ќе се обновува преку целата година и, всушност, ќе претставува виртуелен македонски културен центар.
Во рамките на овој фестивал, отвораме два блога кои ќе се заеднички за обата портали– onlineoffline и offline2online. На едниот ќе создаваме база на подолги новинарски форми, интервјуа, осврти, критички и аналитички текстови и друго што досега не сме пренесувале– исто така и аудио и видео снимки од интервјуа со уметници кои одбележале определен момент – развојот на Интернет сега го дозволува тоа. Другиот ќе биде галерија, виртуелен македонски културен центар, кој ќе функционира со постојана поставка и со тековни, online изложби, а ќе содржи визуелни уметности, литература, музика, театар и разни нови форми.

photo © флаер

Сево ова има за цел да отвори постојана дебата за односот меѓу содржината и нејзината презентација, меѓу авторите во културата и нивната публика, како и за културните портали како посредници во овој процес. Истовремено, ќе трагаме по нови, поструктуирани, напредни и иновативни начини за презентација на културните содржини на Интернет, за тие да создадат и нова културна публика.
Со овие теми ќе се занимаваме и на првиот ден од офлајн компонентата на фестивалот. И тоа по следниот распоред: